മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം       മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം      മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം      മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം      മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം      മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം      മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം      മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം      മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം      മുംബയെ മലയാളി കൂട്ടയ്മയുടെ സാഹിത്യ ചര്‍ച്ചാ വേദി - 1967-ല്‍ സ്ഥാപിതം

Thursday, June 29, 2017

ജൂലൈമാസ സാഹിത്യ ചർച്ച

|4 comments
* * *കവിതകൾ* * *

1) ചില ജൈവ ചിത്രങ്ങൾ
====================

വെടിച്ചു കീറിപ്പൊന്തിയ ചാണകത്തറയുടെയും
ചിതലരിക്കുന്ന കഴുക്കോലുകൾക്കുമിടയിലായ്
പൈതൃകം പിന്തുടരുന്ന ചുമരുകൾക്കുള്ളിൽ
മൗനം പോലെ മുഷിഞ്ഞു നാറിയ
ചില ജൈവ ചിത്രങ്ങളെ പരിചയപ്പെടാം

പാതി ചാരിയ ഉമ്മറിപ്പടിയിൽ നിന്ന്
അടുപ്പുകല്ലുകൊണ്ട് കണ്ണെഴുതിയ മുഖം
ഇടക്കിടെ എത്തിനോക്കും
പിന്നെ കതകിനു വിടവിലെ
ഇരുളിലേക്ക് തലതാഴ്‌ത്തും
ഒടുവിലൊരു നീണ്ട നെടുവീർപ്പും . . .

അലക്കിത്തേച്ച ചേറുംചെളിയും
ഉടുത്തൊരുങ്ങിയ കലപ്പയുടെ കാലുകൾ
വയലുകളെയെല്ലാം ഇക്കിളിപ്പെടുത്തി
ഋതു ഭേദങ്ങളോടെല്ലാം പരാതിപറയുന്ന
കുഴിനഖമുള്ള നീണ്ട കാലുകൾ . . .

കറുത്തു തടിച്ച ആ കണ്ണടക്ക്
നരച്ച നീണ്ട മുടയാണ്
ഇതിഹാസങ്ങളുടെയും പുരാണങ്ങളുടെയും
വയറു പിളർത്തിയുള്ളിൽ തല പൂഴ്ത്തി
അക്ഷരങ്ങളെ തിന്നുന്ന മുതുകൂനിയ കണ്ണട . . .

പുതുമുഖത്തെ ചാരു കസേരയിൽ
നീണ്ടു നിവർന്നു കിടക്കുന്ന കാലൻകുട
പല്ലുകൊഴിഞ്ഞ മോണകാട്ടിച്ചിരിക്കുന്ന
എല്ലു തേഞ്ഞു തുരുമ്പിച്ച കുട . . .

ചിതലരിക്കാറായ ചിത്രങ്ങളൊന്നും
വീടിനിന്നു ചേരുന്നേയില്ല
വീടിനോടോപ്പം കളിച്ചുവളർന്ന തേന്മാവും
ചാഞ്ഞുവീഴാറായിരിക്കുന്നു
കൊമ്പുകളിലെയെല്ലാം ചോരയൂറ്റിക്കുടിച്ച്
ചുണ്ട് നക്കിത്തുടച്ച ഇത്തിൾച്ചെടി
മാവിനേക്കാൾ വളർന്ന്
ആർത്തിയോടെ വീടിനുമീതേക്ക് . . .

കണ്ണാടി വേഗം വലിച്ചെറിഞ്ഞു,
മുറ്റമാകെ പൊട്ടിച്ചിതറിയ ചില്ലുകൾ
ഒരു പോറലുപോലുമേൽക്കാതെ
പൊട്ടിച്ചിരിക്കുന്ന പ്രതിബിംബത്തിന്
നിന്റെ അതേ ചിരി,
എന്റെ അതേ മുഖം,
നമ്മൾ രണ്ടല്ല അല്ലേ, ഒന്നുതന്നെ. .
. .
==============================

2 ) വറ്റാതെയൊഴുകുന്നപുഴകൾ
===========================

നമുക്കിടയിലുള്ള
ഈ അകലത്തിനെ എന്ത് വിളിക്കും ?

കാണുന്നവരെല്ലാം
വിരഹമെന്നു
നീട്ടി വിളിക്കുമായിരിക്കും

കണ്ണുകളുടെ ഭാഷയിൽ
പ്രണയമെന്ന്
നമുക്കൊരുമിച്ച് വിളിക്കാം

പക്ഷെ,
കവിളുകളിലൂടെ
നീയത് ഒഴുക്കിക്കളയരുത്

വറ്റാത്ത പുഴകളെപ്പറ്റിയുള്ള
പഠനത്തിനൊടുവിൽ
കണ്ടെത്തിയ പുഴക്ക്
ആരെങ്കിലും നിന്റെ പേരിട്ടാലോ ?
==============================


3) ഓടുന്ന വണ്ടിയിൽ നിന്ന്
======================

വണ്ടിയോടിത്തുടങ്ങിയ ശേഷമാണ്
ഞങ്ങൾ പരിചയപ്പെട്ടത്

സഹയാത്രികരുടെ
ചുളുങ്ങിയ പുരികങ്ങൾക്കിടയിൽ
കുരുങ്ങിവീഴാതെ
പിന്തുടരുന്ന നോട്ടപ്രദിക്ഷണങ്ങളിൽ
നിന്നും കരകയറി
പരിശോധകരുടെ കണ്ണുവെട്ടിച്ച്

അങ്ങനെ എത്രയെത്രെ യാതനകൾ
സഹിച്ചാണെന്നറിയാമോ

പക്ഷെ,
ചോദ്യം ഇതാണ് ?
ഓടിക്കൊണ്ടിരിക്കുന്ന തീവണ്ടിയിലിരുന്ന്
കള്ളുകുടിക്കാൻ വരുന്നോ ?

ഇപ്പോൾ ഈ മൂത്രപുരയിൽ
ദുർഗന്ധമില്ല
നല്ല ഷാപ്പ് മണം . . .
ശുദ്ധജലത്തേക്കാൾ പരിശുദ്ധജലം

സോപ്പിരിക്കുന്ന തട്ടിൽക്കയറി
അച്ചാറുകുപ്പി വികാരാവതിയായിരുന്നു
ആരോ ഉപേക്ഷിച്ച കോള കുപ്പിയെ
കൂട്ടത്തിലൊരു കരവിരുതൻ
വെട്ടിമുറിച്ചോരുക്കി ഗ്ലാസ്സുണ്ടാക്കി

ഞങ്ങളുടെ ചുണ്ടുകളുടെ
രുചിഭേദങ്ങളെ നക്കിത്തുടച്ചുകൊണ്ടിരിക്കുന്ന
ഗ്ലാസ്സിന്റെ ജാതിയോ മതമോ ആരും ചോദിച്ചില്ല.
അതുക്കും മേലെയായിരുന്നു,
കൂട്ടത്തിലൊരുത്തൻ ചൊല്ലിയ
ഷാപ്പ് പാട്ടിന്റെ ആഴം

പെട്ടെന്ന് അവിടേക്ക് കടന്നുവന്ന പെൺകുട്ടി
ആദ്യമൊന്ന് പരിഭ്രമിച്ച് കാണും
നന്നായി ചേരുന്നൊരു വേഷം തന്നെ
ഞങ്ങൾ അവൾക്ക് നൽക
അവൾ തകത്ത് അഭിനയിക്കുന്നതിനാൽ
ഞങ്ങൾ സ്വയം നിലവാരമുയർത്തി
ഷാപ്പിൽ നിന്ന് ബാറിലേക്ക് ഒഴിച്ചു വെച്ചു

ബാർ ഗേളായാൽ ഇങ്ങനെ വേണം
അവളുടെ ചുണ്ടുകളിലും
മുലകളിലും തുടകളിലുമെല്ലാം
ഞങ്ങളുടെ പ്രോത്സാഹനങ്ങൾ
അടിവരയിട്ടു ചുമപ്പിച്ചു

വയറിനൊന്തതാകാം ,
വണ്ടിയുടെ വേഗം കുറഞ്ഞതും
ഞങ്ങൾ കളി അവസാനിപ്പിച്ചു

ഇനി (രഹസ്യമായ്)പറയൂ
ഇങ്ങനെ കളിക്കാൻ
ആർക്കാണ് താല്പര്യമില്ലാത്തത്?

തലയിൽ വെളിവുദിച്ചപ്പോഴാണു കൂടുതൽ രസം
നമ്മുടെ ബാർഗേളിനെ
ഞങ്ങളിൽ ചിലർ കെട്ടിപ്പിടിച്ച്
"മകളേ" എന്നുവിളിച്ച് നെഞ്ചത്തടിക്കുന്നു
മറ്റു ചിലർ "പെങ്ങളേ" എന്നുവിളിച്ച് കരയുന്നു
അപ്പോഴും കണ്ണുതുറക്കാതെ, അവൾ
തകർത്തഭിനയിച്ചുകൊണ്ടേയിരിക്കു

ചിരിച്ച് ചിരിച്ച്
ശ്വാസം നിലക്കുമെന്നായപ്പോൾ
സീറ്റിൽ ചെന്നിരുന്നു
തൊട്ടടുത്തെ സീറ്റിൽ നിന്നും
ഒരു പഴകിക്കീറിയ ബാഗ് പിടഞ്ഞു വീണു

ക്ഷീണിച്ചിരുന്ന എന്നിൽ നിന്നും
ക്ഷീണം ഊരിക്കളഞ്ഞ മറ്റൊരു ഞാൻ
തീവണ്ടിയേക്കാൾ വേഗത്തിൽ
"അമ്മേ" എന്നലറിത്തിരഞ്ഞോടി
പുതിയ കളി
ആരാണ് കളിച്ച് തുടങ്ങിയത് ?
==============================




Wednesday, June 28, 2017

ജൂൺ മാസ സാഹിത്യചർച്ച

|0 comments

Wednesday, May 3, 2017

മെയ് മാ സസാഹിത്യ ചർച്ച

|1 comments


അജ്ൽഖാന്റെ കവിതകൾ
1
ഗുജറാത്ത്‌
വികസനത്തിന്റെ പറുദീസക്കു മുകളിൽ
കലാപത്തിന്റെ തേങ്ങി കരച്ചിലുകൾ തേട്ടി വന്നു.

2
സ്നേഹം
അയലത്തെ കുഞ്ഞുവാവയെ എടുത്തു ലാളിച്ചപ്പോഴും എന്റെ കണ്ണുകൾ
കിളിർത്തു വരുന്ന അവളുടെ മുലഞെട്ടുകളിലായിരുന്നു

3
കാശ്മീർ
ഇന്ത്യയല്ലയെന്റെ പേര്
പാകിസ്ഥാനുമല്ല
എന്റെ പേര് കാശ്മീർ
ഇത്ര മാത്രം.
4
മുഹമ്മദ്‌ അഖ്ലാഖ്
എനിക്ക് വിശപ്പടക്കാൻ ഭക്ഷണമുണ്ടോഎന്ന് ഉറപ്പുവരുത്തുന്നതിനു പകരം
ഒരു പ്രത്യേക തരം ഭക്ഷണം കഴിച്ചു എന്നാരോപിച്ച്
അവരെന്നേ കൊന്നുകളഞ്ഞു .
5
കടമ
കുഞ്ഞു ജനിച്ചയുടൻ കുഞ്ഞിനോടുകൂടെ പിതാവ് സെൽഫിയെടുത്തു
തന്റെ കടമ നിറവേറ്റി
പിതാവിനെ മണ്ണുമൂടുന്നതിനു മുൻപ് സെൽഫിയും
മണ്ണുമൂടുന്ന വീഡിയോയുമെടുത്തു മകൻ തന്റെ കടമയും.

6
വാക്കുകൾ
പുതുതായുണ്ടായ വാക്കുകൾ
നിഘണ്ടുവിൽ എഴുതിച്ചർക്കുന്ന തിരക്കിൽ
നിലവിലില്ലാത്ത
പുഴ
കുളം
കാവ്
ഉറവ
ചോല
മല
തോട്
ഇവയെല്ലാം ഇറങ്ങിപ്പോയാതറിഞ്ഞില്ല
7
രക്ഷാബന്ധൻ
സ്നേഹം
കരുതൽ
സംരക്ഷണം
രക്ഷ
എന്നുപറഞ്ഞു എനിക്ക് രക്ഷാബന്ധൻ കെട്ടികൊണ്ടിരുന്നപ്പോൾ
തുറിച്ചുനിന്നിരുന്ന അവളുടെ മുലക്കണ്ണുകളിലായിരുന്നു ഏന്റെ കണ്ണുകൾ.
8
ലാൻഡിയാ
മിയഹേ മിയാ...
എന്ന് അഭിമുഖീകരിക്കപ്പെട്ടത്
എന്നെത്തന്നെയായിരുന്നെന്നു
കുറെ കഴിഞ്ഞാണ് മനസ്സിലായത്
പേരിനുകൂടേ മിയഎന്ന് ചേർത്തു
വിളിക്കപെട്ടതു ശീലിച്ചതിനിടയിൽ
ഒരുദിവസം കേട്ടത്
ഹേ കട്ടുവ... എന്നായിരുന്നു
കട്ടുവയെന്നാൽ എന്തെന്ന് അനന്തരം കണ്ടു പിടിച്ചു
അതിനിടയിൽ ഒരുദിവസം കേട്ടത്
ഹേലാൻഡിയ...
ഹേലാൻഡിയ...
തുമേഹീ ബുലാറഹീഹുൻ
ലാൻഡിയഎന്നാൽ എന്തെന്ന്
തേടിപ്പിടിക്ക്‌നത്തിനു തിനിടയിൽ
എന്റെ സ്നേഹിതൻ
വിവേകനായരെ അവർ
വിവേക്
മിസ്റ്റർ വിവേക്
നായർ
മിസ്റ്റർ നായർ
എന്നുമാത്രമാണ് വിളിച്ചുകൊണ്ടിരുന്നത്.

മിയമുസ്ലിം പുരുഷന്മാരെ രണ്ടാം കിടക്കരായി അഭിസംബോധന ചെയ്യുന്ന ഹിന്ദി പദം
കടുവലിംഗം ഛേദിക്കപ്പെട്ടവൻ എന്ന അർത്ഥത്തിൽ പരിഹാസ്യമായി മുസ്ലിം പുരുഷന്മാരെ അഭിസംബോധന ചെയ്യുന്ന ഹിന്ദി പദം
ലാൻഡിയലിംഗം ഛേദിക്കപ്പെട്ടവൻ എന്ന അർത്ഥത്തിൽ പരിഹാസ്യമായി മുസ്ലിം പുരുഷന്മാരെ അഭിസംബോധന ചെയ്യുന്ന മറാത്തി പദം
9
ഭാരത് മാതാ കീ
രോഹിത് വെമുലയുടെ അമ്മ
രാധിക വെമുലയുടെ മുൻപിലും 
"
കാണാതായവിദ്യാർത്ഥി നജീബ് അഹമ്മദിന്റെ ഉമ്മ 
ഫാത്തിമയോടും 
മുഹമ്മദ് അഖ്‌ലാഖിന്റെ പത്നി 
ഇഖ്‌റത്തിനുമുൻപിലും 
സോണി സോറി യോടും 
കശ്മീരിലെ കൂനൻ പോഷ്പോറയിലെ ഉമ്മമാരും 
മനോരമ ദേവിയെ സംസ്കരിക്കപ്പെട്ട മൺതരികളും കേൾക്കെ
ഛത്തീസ്‌ഗഡിൽ സിആർ.പിഎഫ്
ബാലാൽത്സംഗം ചെയ്തുകൊന്ന സ്ത്രീകളെ മൂടിയതെവിടെന്നറിയാതെ
മറച്ചിരിക്കുന്ന ഇലകൾ കേൾക്കെ
ഇശ്രത്ജാന്റെ ഉമ്മയും
അഫ്സൽഗുരുവിന്റെ പത്നിയും
യാക്കൂബ് മേമന്റെ ഭാര്യയും
മഖ്‌ബൂൽ ബട്ടിന്റെ മാതാവും കേൾക്കെ
ഗുജറാത്തിലും
കാണ്ടമാലിലും
മുസാഫർനഗറിലും
ഖൈറലാഞ്ചിയിലും
പിടഞ്ഞില്ലാതെയായ സഹോദരികളുടെ
മായാത്ത മുറിപ്പാടുകൾ കേൾക്കെ
എനിയ്ക്ക് ഉറക്കെഉച്ചത്തിൽ വിളിക്കണം
ഭാരത് മാതാ കീ 
രാജ്യ സ്നേഹികൾ ജയ് വിളിക്കട്ടെ.
10
കിണർ-ജലം
ജനുവരിയിൽ തന്നെ വറ്റിയ
പത്തുകോൽ ആഴമുള്ളകിണർ
കുഴിച്ചു കുഴിച്ചു വീണ്ടും കുഴിച്ചതിൽ
അരയടിവെള്ളം കണ്ടു
ബാത്ട്ടബിലേക്കും
ടോയ്‌ലെറ്റിന്റെ ഫ്ലെഷിലേക്കും
അരയടിത്തീർന്നു
ഫെബ്രുവരിയിൽ സഹാറ മരുഭൂമിയുടെ മിനിയേച്ചർ
എന്റെ കിണർ
കുഴിച്ചു കുഴിച്ചു
വീണ്ടും ആഴത്തിൽ കുഴിച്ചതിൽ
പാറകണ്ടു
പാറപൊട്ടിച്ചു വീണ്ടും കുഴിച്ചു
മണ്ണുമാന്തി വീണ്ടും പാറ
പാറപൊട്ടിച്ചു വീണ്ടും മണ്ണ്
മണ്ണുമാന്തി വീണ്ടും പാറ
പാറപൊട്ടിച്ചു വീണ്ടും കുഴിച്ചു
മാർച്ചു മാസത്തിൽ കുഴിച്ചു കുഴിച്ചു വീണ്ടും കുഴിച്ചതിൽ
മാലാഖ പ്രത്യക്ഷപെട്ടു
"നിങ്ങൾക്കനുവദിച്ച ജലം മുഴുവൻ
നിങ്ങൾ ഉപയോഗിച്ചു തീർത്തിരിക്കുന്നു"
എന്ന് പറഞ്ഞുതീരുന്നതിനുമുൻപ് മാലാഖ കൊല്ലപ്പെട്ടു
ഏപ്രിലിൽ മാലാഖയുടെ ജലം മോഷ്ടിച്ചുകുടിച്ചു
മാലാഖയുടെ ശവശരീരം പുറത്തെടൂത്ത്‌
മെയ് മാസത്തിൽ വരണ്ടകിണർ
മാലാഖയുടെ രക്തം കുതിർന്ന മണ്ണുനീക്കി വീണ്ടും കുഴിച്ചു
പാറകണ്ടു
പാറപൊട്ടിച്ചു വീണ്ടും കുഴിച്ചു
മണ്ണുമാന്തി വീണ്ടും പാറ
പാറപൊട്ടിച്ചു വീണ്ടും മണ്ണ്
കുഴിച്ചു കുഴിച്ചു വീണ്ടും ആഴത്തിൽ കുഴിച്ചതിൽ
സാക്ഷാൽ ദൈവം അശരീരിയായി പ്രഖ്യാപിച്ചു
"ഇനി നിങ്ങൾ കുഴിച്ചാൽ
ഭൂമിയിൽ ജീവന്റെ നിലനിൽപ്പിനായി
മാറ്റിവെക്കപെട്ട
അവസാന ബക്കറ്റ് വെള്ളവും തീർന്നുപോകും "
ദൈവത്തെ വകവെക്കാതെ
കുഴിച്ചു കുഴിച്ചു
വീണ്ടും ആഴത്തിൽ ആഞ്ഞുകുഴിച്ചതിൽ
വിഷവാതകംശ്വസിച്ചു കുഴിച്ചു കുഴിച്ചെത്തിയ
കിണറിന്റെ താഴതട്ടിൽ
ഭൂമിയിലെ മറ്റെല്ലാ ജീവജാലങ്ങളോടും കൂടെ
മനുഷ്യൻ ഇല്ലാതായതിൽ പിന്നെ
ജൂണിൽ മഴ പെയ്തു കിണർ നിറഞ്ഞു.


Followers